Shir sannadlihii ururka Bilderberg ayaa sannadkaan lagu qabanayaa magaalo madaxda wadanka Iswiidhan ee Stokhoolom.
Shirkaan ayaa waxaa lagu martiqaaday dad gaar ah oo adduunka kuwa ugu awooda badan oo xagga danbe ka maamulo dowladaha
ka jira Yurub. Shirkaan ayaa lagu shaaciyey websaaytka Bilderberg in dhici doono inta u dhaxayso 12 to 15 June 2025 Istokhoolom Iswiidhan
shirkaan waxaa lagu qaban doonaa oo martina loo yahay Jacob Wallenberg, oo ah nin maalqabeen bangiile ah Hoteel uu leeyahay oo la yiraa Grand Hotel oo ku yaal meel aan ka fogayn guriga boqortooyada Iswiidhan iyo aqalka Raisal wasaaraha Iswiidhan Istokhoolom.
Mowduuca shirka looga wadahadlaayo oo kala ah
Xiriirka Transatlantic – Wadahadalka iyo iskaashiga u dhexeeya Yurub iyo Waqooyiga Ameerika, iyadoo diiradda la saarayo siyaasadda, dhaqaalaha, iyo amniga guud ee labada gobol.
Ukraine – Xaaladda Ukraine iyo sida ay saameyn ugu yeelaneyso amniga gobolka iyo xiriirka caalamiga ah, gaar ahaan iyadoo la tixgelinayo dagaalka Russia ee dalkaas.
1-Dhaqaalaha Mareykanka – Qiimeynta xaaladda dhaqaalaha Mareykanka iyo sida ay u saameyneyso siyaasadda gudaha iyo midda caalamiga ah.
2-Yurub – Arrimaha siyaasadeed iyo dhaqaale ee Yurub, oo ay ka mid yihiin isbedelada siyaasadda gudaha iyo dhibaatooyinka la xiriira maaliyadda iyo amniga gobolka.
3-Bariga Dhexe – Xaaladaha siyaasadeed iyo amni ee Bariga Dhexe, iyadoo la tixgelinayo colaadaha joogtada ah, dagaalka, iyo saameynta dowladaha weyn.
4-Axis-ka Autocratic – Iskaashiga ama xiriirka ka dhexeeya dowladaha autocratic (ama xukunka keligiis) iyo saameyntooda gobolka iyo caalamka.
5-Hal-abuurka iyo Adkeysiga Difaa'adda – Horumarinta iyo casriyeynta teknolojiyadda difaaca si loo xoojiyo awoodda militari ee dowladaha iyo hubinta amniga qaranka.
6-AI, Dhibaatooyinka iyo Amniga Qaranka – Doorka teknoolojiyadda sirdoonka macmalka ah (AI) ee amniga qaranka iyo saameynta ay ku yeelan karto siyaasadda difaaca iyo ilaalinta dadka.
7-Fiddainta Hubka – Ka hortagga fiditaanka hubka nukliyeerka iyo kuwa kale ee masiibooyinka sababi kara, iyo sidii loo xakameyn lahaa baahida loogu qabo hubka noocaas ah.
8-Geopolitics-ka Tamarta iyo Macdanta Muhiimka ah – Siyaasadda iyo tartanka ka dhanka ah tamarta iyo macdanta muhiimka ah ee dunida, gaar ahaan lithium-ka, cobalt-ka, iyo kuwa kale oo muhiim u ah horumarinta teknolojiyadda.
9-Hoos u dhaca Tirada Dadka iyo Socdaalka – Saameynta hoos u dhaca tirada dadka ee dalalka qaarkood iyo socdaalka caalamiga ah ee loo maro xirfadaha iyo qaxootiga.Sooyaal kooban ee Bilderberg
Shirweynaha Bilderberg oo la aasaasay sanadkii 1954-kii waa shir sanadle ah oo loogu talagalay in lagu dhiirrigeliyo wadahadalka u dhexeeya Yurub iyo Waqooyiga Ameerika. Sanad kasta, waxaa lagu casuuma 120 ilaa 140 hoggaamiyeyaal siyaasadeed iyo khubaro ka kala socda warshadaha, maaliyadda, jaamacadaha iyo warbaahinta si ay uga qayb qaataan shirka. Qiyaastii saddex meelood labo meel ka mid ah ka qaybgalayaasha waxay ka yimaadaan Yurub, inta kalena Waqooyiga Ameerika; qiyaastii rubuc waxay yihiin siyaasiyiin iyo saraakiil dawladeed, inta kale waxay ka yimaadaan meelaha kale ee bulshada.
Shirka Bilderberg waa madal loogu talagalay wadahadallo aan rasmi ahayn oo looga hadlayo arrimaha waaweyn ee caalamka. Shirarka waxaa lagu qabtaa iyadoo la raacayo qaanuunka Chatham House, oo dhigaya in ka qaybgalayaashu ay isticmaali karaan xogta ay helaan, balse aan la shaacin karin aqoonsiga ama hay’adaha ay ka tirsan yihiin dadka hadlaya ama ka qaybgalayaasha kale.
Iyadoo la tixgelinayo shirkaan oo ah mid gaar u ah Bilderberg iyo inta lagu martiqaaday oo kaliya, ka qaybgalayaashu waxay uga qeyb qaataan si shakhsi ah halkii ay ka ahaan lahaayeen wakiillo rasmi ah, sidaas darteedna ma aha kuwo ku xiran xeerarka xafiiskooda ama mowqifyo horay loo go’aamiyey. Sidaas darteed, waxay heli karaan fursad ay ku dhageystaan, ku fakaraan, kuna helaan aragtiyo cusub. Ma jiro ajande faahfaahsan, looma gudbiyo qaraaro, cod looma qaado, wax bayaan siyaasadeed ahna lagama soo saaro.
JSN
Isha warka: Bilderberg
Xiriir la leh qormadaan: Kulanka 71 aad ! Liiska ka qaybgalayaasha shirka
Wixii faah faahin nagala soo xiriir editorial@somalidutchuk.nl