Arbaco 11-Juunyo-2025 [jsn]: Dowladda Maraykanka ayaa diyaarinaysa qorshe ay ku wareejinayso kumanaan muhaajiriin sharci-darro ah oo ka soo jeeda dalal kala duwan, kuwaas oo qaarkood ay yihiin muhaajiriin ka yimid Nederlaan, sida uu qoray wargeyska Washington Post. Waxaa la sheegay in dadkaasi lagu eedeeyay inay si sharci-darro ah ugu noolyihiin Maraykanka.
Wargeysku waxa uu xusay in dowladda madaxweynihii hore Donald Trump aysan qorsheynin in ay wargeliso dowladaha ay khusayso oo ay ku jiraan Nederlaan, inta aysan muhaajiriintan u dirin saldhiga ciidamada ee Guantanamo Bay ee jasiirada Kuuba.
Warbixinta ayaa tilmaamaysa in qorshaha uu ku lug leeyahay baaritaanno caafimaad oo lagu sameynayo 9,000 qof si loo hubiyo in ay caafimaad qabaan ka hor inta aan loo wareejin Guantanamo. Sida laga soo xigtay ilo xog ogaal ah, wareejinta ugu horeysa ayaa dhici karta toddobaadkan, waxaana lagu sheegay in muhaajiriintaasi ay halkaas ku sugnaan doonaan ilaa ay dib loogu celiyo dalkooda asalka ah.
Trump ayaa ku dhawaaqay bishii Janaayo in uu doonayo in uu xirto ilaa 30,000 muhaajir oo uu ku tilmaamay “dembiilayaal sharci-darro ah oo khatar ku ah dadka Maraykanka.” Saldhigga Guantanamo, oo la furay kadib weerarradii argagixisada ee 2001, waxaa muddo dheer loo adeegsanayay in lagu xiro dadka laga shakiyo in ay yihiin argagixiso, iyada oo aan maxkamad loo marin. Si kastaba, madaxweynayaashii hore ee Maraykanka ayaa faarujiyay qaar ka mid ah xabsiyadaas, iyadoo kaliya 15 qof ay ku sugnaayeen Guantanamo inta lagu jiray madaxweynanimada Joe Biden.
Joornaalka Soomaalida Nederland faraciisa London UK
Xiriir la leh qormadaan:
Wixii faah faahin nagala soo xiriir editorial@somalidutchuk.nl